Ywlawten i æ Kjerk

Bemærk: Denne tekst er ikke korrekturlæst (endnu)!

Lille Tinne sad ve hind Mue,
di sang en Sallm om »den Himmel blo«,
den kjæænd hun, hun tøtt den wa så gue,
men så kam dæ nued te hun ett kund fåsto.
Dæ stod cn swot Mand o en lille Altan,
han holdt en Tåål, å den lyyj så strenng;
Tinne sad stell, få hun vest te de ska en,
men hun ønsket, han ett vild blyw ve få lænng.

Æ Tåål bløw long, å æ Lyjs di værrmet,
å lille Tinne wa ve å slep hen, —
hun hwesket: »Hwofå æ den Mand så fånærrmet,
fåde te de no æ bløwwen Ywl igjen!«

Næste afsnit

Teksten forekommer i følgende publikationer:

Bøen å gammel Folk af Anton Berntsen (1937)

Udvalgte Jydske Digte 1948 - andet bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage