Laust Peder hå wan te Ildebråend

»De hå nok wan Ildebråend i Nat?«
- »Ja, æ Træskomand fæk et lissom wal hjet,
a gik hen å vild si, hwo gal de wa fat,
å de æ de støøst Boel, te a hå sjet.
Æ Tag stod i Loww, å æ Flammer di hwææst,
æ Rudder sprang å de knagt i æ Spær,
de hawwlet mæ Gnister, de kwollmet å jææst,
en skuld nok pas o, te en ett kam få næer.
Æ Træskomand gik å wa godt tepas,
di mindt dæhenn, han håd høwt assurieret,
æ Huws wa en gammel rådden Kas,
de vææst wa, æ Haww bløw osse skamfieret.
A wa lii dæhenn igjen i Daw tiele,
å a so, hwor æ Ild håd svejjen æ Træer.«
- »Jamen sæj mæ, Laust Peder, bræænd da de hiele?«
- »De hiele? - Ok, de fåslow ett så næer!«

Teksten forekommer i følgende publikationer:

Awtensææd af Anton Berntsen (1945)

Jyske digte af Anton Berntsen (1969)

Tilbage