Awtensææd

DEN Daw, te en fylde di syw Gong ti,
da ved en, si Arrbedsdaw æ fåbi.
Så sedder en Awtensææd et Stæj
å finde no Småtøw å ponni mej.

Di gammel Venner, en hååd, æ henn.
No er et Awten. — Å no er en jenn.
Dæ kommer en Daw, en ska te å fløtt,
men ino vild en gjaan vær let te Nøtt.

Mi Dætter en Daw fløw ud fræ æ Ree,
hun skekke sæ godt — no æ hun mi Glee.
Å hwæ Gong dæ kommer et Bræw fræ hinnd,
er et lissom æ Suel gi sæ te å skinn !

Næste afsnit

Teksten forekommer i følgende publikationer:

Awtensææd af Anton Berntsen (1945)

Tilbage