Bemærk: Denne tekst er ikke korrekturlæst (endnu)!
Niels Peder å Hanne håd soeld dje Stæj,
no holdt der en V uen deruud o æ Vej,
æ V uen wa lasset mæ åld dje Kram,
di so dem tebååg, ve æ Hææst gik fram,
di so o æ Huws, æ Mark å æ Haww,
å tændt o dje manne Sammlyws Daww.
Hun tændt o den Ti, da di føst bløw kjæend,
di Bræww han da sæænd hind — han skrøw så pæen,
han kæmpet ve Isted å Fred'riksstad,
men så kam han hjem, å da bløw hun så glad,
di mødtes en Muen i Pe Jørgens Goer,
få die tindt hun i Krigens Oer.
Han kjøvt et Støk Juer å begyndt å byyg,
en Diel å æ Muurstien han sjel måt .stryyg,
så wownt hun en Daw, de wa Sønnda Muen,
å da wa hun bløwwen Niels Peders Kuen,
di so o dje Huws, di wa glaad som Bøen,
hun ga ham et Køs i Arrbedsløen.
Så hjalp di hwærander så godt di kunnd,
dæ kam en Flok Bøen, dæ bløw manne Munnd,
æ Føø skuld di ha bådde stuer å smo,
å spååres skulld der, æ Pææng wa fo,
hwæ Øør, di håd tint, håd di brugt te Nøtt,
men no wa di gammel — å no skuld di fløttl
Hun sukket så dyvt, å hind Ywn bløw dooget,
no tændt hun o den Gong, di soold den brooget,
di fuldtes ad te æ Mærkend mæ en,
den broold a Sorre, ve di gik fræ en,
de goor hind så undt, hun kund ett wal glemm en,
--- men no skuld di sjel sæj Fåwal te dje Hjemmenl
Niels Peder håd lejet en towfags Stoww,
i den skuld di no få føøst Gong soww,
di hoor, te æ Klokk føld i Slaw te tis
men æ Ywn kund di ett fo te å fåld i;
hun tændt o æ Huws dæ næjjen æ Banker,
å han håd travlt mæ hans ejjen Tanker.
Han lo å ræjnt ud o, hwodan di skuld spåår,
hwo lænng no di Medler, di hååd, kund wåår,
let kunnd han wol tjeen, han håd ålde wan down,
di villd jo så nøøde ha Hjelp å æ Sown;
no fæk en å si, om æ Ræjjnskav vild sææd,
— mæ jet ga Hanne sæ te å grææd!
Niels Peder vild trøst hind, han tow hind Håend,
men hun lo å græd som et lille Båen.
»Hwa skåe do, Ven, æ do illd tepas,
do tøgges WOI, her æ få knap mæ Plads?«
, næj, men a tændt o wo Hjem dænie,
no må vi så --- ålde — komm dæ — miel«
Teksten forekommer i følgende publikationer:
| Udvalgte Jydske Digte 1968 af Anton Berntsen (1968) |
Copyright ISCA Software 2023-