Hanne å æ Kat

Bemærk: Denne tekst er ikke korrekturlæst (endnu)!

Niels Peder å Hanne æ opp Klok fem,
æ Daw æ long i et Husmandshjem,
der æ Lyjs i æ Nøds, di æ uud å røjt,
hun målker æ Kuw, å han holder æ Løjt.

Å henn i æ Grevning sedder æ Kat,
den æ mæt a di Muws den hå fanget i Nat,
men no vild en gjaan ha 'let Mjelk å drekk,
den pudse betænksom si Klør å si Skekk.

Næj hold, bette Mis, do ka fo en Slat W and,
æ Mjelk ska a bruug te mi Bøen å mi Mand,
te Onden å Natter den helst skuld fåslo,
der æ ett nued te dæ, ka do da nok fåsto.

Æ Kat læ hind snakk, den kinde wo Muer,
den ved hun æ bæjje i Sind end i Uer,
den tøgges te Mjelk æ møj bæjjer end W and,
å høer hwo de stroel fræ æ Patt i æ Spand!

Men hwa æ da de -— ska æ Kat no ha føst?
ska den faar vi ander ha Lin få si Tøst?
JOW si kons om Hanne ett fylde si Trow,
å Mis gi sæ ett Ti å spør om Fålow.

Si såen gor et få sæ hwæ jenneste Muen;
så fatte æ ålde en Husmandskuen,
te hun ett, næer hun målke, ka ha en Slat
å æ Mjelk å undvæær te en tøøste Kat.

Teksten forekommer i følgende publikationer:

Udvalgte Jydske Digte 1948 - første bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage