Bemærk: Denne tekst er ikke korrekturlæst (endnu)!
Æ Bøker wa bløwwen så rinng i hans Maww,
han håd læjjn i æ Seng i fjowten Daww
å Ingenting fåt te æ Føø;
for en Uug sien håd di æ kloog Kuen hint,
men han lo ino å wa lii fåpint,
di wa ræj, de skuld hiel leg ham øø.
En Attemedde, han hååd et så skidt,
dæ kam tow Mend å vild gjøør en Visit,
å de wa Niels Madsen å Jepp;
di kam føst te Buers å fæk nued å eed,
æ Kaffe wa værm, di kam te å sweed,
å Niels Madsen wa lii ve å ræpp.
Så tæænd di æ Piiv å begyndt å ryyg,
å no fløt di beggetow hen te den syyg,
de wa jo mæ ham, di vild snakk;
Jepp kam mæ en »Trøste* og Andagtsbog«,
han kund løøs som en Præst å wa fäåle klog,
— æ Bøker kund knap sååns å takk.
Å så løøst Jepp en trej$fie Støkk,
om hwa en skuld gjøør, næer en Syggen vild trøkk»
så skuld en vær tålle å from;
en skuld takk få si Kås å vær glad ve å lii,
jo mie æ Uund i æ Krop kund swii,
des faar kund æ Sind blyw vænd om.
No mindt di, den syyg måt fo Fre i si Brøst,
mæ så gue Uer te Fåmåning å Trøst
kund han ett vær bekjæend å klaww;
men æ Bøker vrej sæ a Piin o si Lejj :
»Ja åld de ka I jo sajt sed å sæjj,
de æ mæ — å ett Jer — dæ håer æ Mawwl«
Teksten forekommer i følgende publikationer:
| Udvalgte Jydske Digte 1948 - andet bind af Anton Berntsen (1949) |
| Udvalgte Jydske Digte 1968 af Anton Berntsen (1968) |
Copyright ISCA Software 2023-