Laust Peder å Kongen

LAUST PEDER håd wan i Kjøvenhawn,
å die fæk han manne Ting å si;
han trawwet omkring i æ By om Daw'n
å wa ståågtræt, næer æ Daw wa fåbi.
De wa den støøst Rejjs, te han håd goer,
å no wa dæ nued å hold Snak om;
di manne Ting, han håd sjet å hoer,
måt han osse fåtææl Jens Bak om.

Jens Bak wa en Mand, dæ gjaan vild høør
no Nyt, han bløw ålde træt å å spøør:.
om æ Huus wa høww, om æ Gååder wa flott,
om han osse so nowwe a Kongens Slott,
men die wa wol Skjeldvagt å Polleti,
å Kongen sjel, fæk do ham å si?

- Om a so wo Konng — jow, de goor a da,
ham fæk a en gue lille Snak mej,
å de ålderføøst, han såå te mæ, wa:
Hwifå hå do ett Jens Bak mej?

Teksten forekommer i følgende publikationer:

De Fie Snees af Anton Berntsen (1953)

Tilbage