Laust Peder søger en Husholder

DO spøer, om a så fæk en Husholder fæest?
Nææ, ino hår a ingen fåt.
Dæ kam jen å meldt sæ den anden Dav,
å hun brugt æ Munndtøw godt.
Æ Kwinndfolk so hiel komfertabel ud,
hun wa stue å wal ve Majt,
men a bløw da klog o attehåend,
te a ves skuld ta mæ i Ajt.
Hun wa godt nok fånøwet mej, hwa hun so,
de wa godt, a håd ingen Bøen,
hun bestemt mæ de sååm, hwoe hind Skav skuld sto,
hun håd Pææng å vild ett ha Løen„
Hun vild fly mæ Gardiner te fie Fag,
å si Sengetøw vild hun osse ta mej,
hun vild komm mæ et lii øwe Medde.
- No bløw a søørme ræj for æ Sag,
a såå, te no skuld hun go hind Vej,
men de knev mæ å blyw hind ledde!

Teksten forekommer i følgende publikationer:

De Fie Snees af Anton Berntsen (1953)

Tilbage