Lille Tinne å hind Søster

Bemærk: Denne tekst er ikke korrekturlæst (endnu)!

LILLE Tinnes stue Søster
bløw fålowet mæ en Dejn,
di fæk Embed å holdt Brøllup
å drow te en fremmet Ejne
Lille Tinne å hind Mue
vild dæhen å gjø Visit,
di kam te en Skuel så Stue
å en Haww mæ hwid Stakit.

Stue Søster tow imued dem,
di kund si, hun hååd et godt,
di kam rundt å so hind Stowwe,
sikken Hjemmen hun _håd fåt!
Bådde Gwoll Daar wa lakket,
åldting wa så ny å blanks
å hind Mand kam ind å snakket„
han wa høw å gik så rank.

Ve di stod å so dje Senge
hwesket Tinne hall fålæjn:
»Søster, sowe do om Natten
innd ve ham den stue Dejn?«
Å da stue Søster nekket:
»Lille Tinne, ja a gjør! «
swåår den lille hiel fåfekket:
»A ka ett fåsto do tør! «

Tinne so op te hind Søster,
de gik 'we hinnd Fåståend,
soww innd ve æ Dein om Natten,
ett ha Mue ve æ Håend!
»Så må do gjø møj ud a ham!«
No løv SØsters Ywn i Wand:
»Lille Tinne — ja de gjør a,
for æ Dejn æ jo mi Mand!

Næste afsnit

Teksten forekommer i følgende publikationer:

Bøen å gammel Folk af Anton Berntsen (1937)

De Fie Snees af Anton Berntsen (1953)

Tilbage