Æ tåvvele Fruww

Bemærk: Denne tekst er ikke korrekturlæst (endnu)!

Æ Mand håd wan dø i manne Oer,
men Fruwwen regieret ino o æ Goer,
hind Håend wa hoer å hind Ywn wa hwas,
å ålder et Mennesk kund gjø hind tepas.
Hind Tjennestfolk fæk hun fræ fremmet Sowwn,
hun sørret få te di ett bløw dowwn,
å møtt en Buundmand »æ tåvvele Fruww«,
så dukket han sæ å tow te æ Luww.

Dæ gik nowwe Pigger å Kåål i æ Haww,
æ Pigge skoflet å luuget æ Øwterv
dæ wa et StøkJuer æ Kåålfolk skuld graww,
men di kam i Snak om Fruwwens Bedrøwter.
Æ Forkåel stod mæ æRøkk te et Træ
å såå: »A ka snåer ett begriiv,
om Wohærre ett vil kom leti Kniiv,
næer den Daw komme -te hun ska hæfræ.
Såmøj ka enhwæ a wos da fåsto,
te ve ham æ der ingen Huusrumm te hind,
å a æ no helder ett sekker o,
te ham —- den anden tør binnd sæ ve hind.
No, de ka vi tiele nok fo å si.
Die komme hun! Hwisøs-søs, læ wos strææv å heng i I«

Teksten forekommer i følgende publikationer:

Bøen å gammel Folk af Anton Berntsen (1937)

Tilbage