Gue Venner

Bemærk: Denne tekst er ikke korrekturlæst (endnu)!

I Daw fæk Folk i æ Kjerk nued å høør,
dæ fæk unng å gammel te å spes Øør.
Dæ bløw lyst for et Par de wa knap en vild trow et,
de wa Tammes i æ Møll å hans Kjærrest, Sofi;
i femåtyww Oer hå di tow wan fålowet,
skuld di gywtes, wa et no snåe ve æ Ti.

Ve æ Kjerkdaer stod Folk å vild ønsk dem te Lykk,
dæ wa manne, dæ gjaan dje Håend vild trykk;
å hie såå Tammes te nowwe, han kjæænd:
»Ja, mæ å Sofi hår i manne Oer
wan gue Venner, som I nok hå hoer,
— no tøtt vi, te de skuld ha en Æænd!«

Teksten forekommer i følgende publikationer:

Atterorsplowwen af Anton Berntsen (1971)

Tilbage