Et Søem i en Bagskuw

Bemærk: Denne tekst er ikke korrekturlæst (endnu)!

Æ Sme wa lii gawwen ind å skuld spiis,
så kam der en Handelsmand mæ en Las Griis;
æ Næstes jenn Bagskuw manglet et Søem,
å no wa han ræj få, æ Fued skuld blyw øem.
Han håd sjet, te dæ hie bue en Sme,
no kund en kaskiese fo let gor ve de?

Æ Sme kam derud mæ hans Værktøwskas,
å han fand et Søem, dæ so ud te å pas.
Den fremmet Mand stod å so sæ omkring,
så såå han: »Ja si do, så rinng en Ting
de plejje wo Sme no å dann for ett,
men hæjsen ska enhwæ jo ha nued få sett.«

Æ Hæst fæk igjen æ Bjen te æ Juer,
å no vild æ Sme osse sæjj et Par Uer:
»Jer Sme æ ves jen, der æ ræend a Læær,
så fjette som ham vild a nøøde væær.
Hie hå do tyww Øre, pot demm i di Pung,
å kom så kons herind en anden Gong!«

Næste afsnit

Teksten forekommer i følgende publikationer:

Atterorsplowwen af Anton Berntsen (1971)

Tilbage