Åå hør I Småpigger —

Bemærk: Denne tekst er ikke korrekturlæst (endnu)!

Åå hør I Småpigger, hwi er I så milld?
A troww jer få godt, diefå gik et mæ illd,
mi Howed bløw sykk, å mi Tanker bløw villd.

Åå sæj mæ do Dogter mæ Plaster å Knyw,
do hjelpe så manne Folk å mæ æ LYW,
ka do ett hjelp en Kåel, der a Verden æ kyw?

Åå sæj mæ do Sneker mæ Saww å mæ Hæwl,
mi Lommer æ toom, å mi Skjott er en Træwl,
hwa kooster en Kjest te så fatte en Dæwl?

Åå sæj mæ do Præst, hwoe lander mi Åend,
mon ett nok Wohæær vil ta jen ve æ Håend,
dæ sørret så lænng, te han mest si Fåståend?

Næste afsnit

Teksten forekommer i følgende publikationer:

Atterorsplowwen af Anton Berntsen (1971)

Tilbage