MI KUEN

Bemærk: Denne tekst er ikke korrekturlæst (endnu)!

A æ da så godt tefreds mæ mi Kuen,
hun syer å danner mi Klæie,
hun sørre få Grød te mi Dowwer hvæ Muen
å Onden, så snåe de æ Meie;
a passe de Arbed, te a hå fåt,
hun passe hind Grydder å Pander,
om ålld wo Sager vi iennes så godt
å sie så mild te hverander.

Men no vil di sæii, de æ ve å blyw Skik,
te Folk ska sån aw å te skilles,
der æ io i wo Ti så møj Mekanik,
å Folk håe så undt ve å stilles;
nær så di æ skild ad, foe di en ny,
så føst æ dæ ret nowwed ve 'et,
de wa ett godt, de shuld blyw Shih i wo By,
for a vild endda nøøde te 'et.

Teksten forekommer i følgende publikationer:

Fra Hjemmet ved Skoven af Anton Berntsen (1916)

Tilbage