Æ Kjæld

Bemærk: Denne tekst er ikke korrekturlæst (endnu)!

Æ Kjeeldvepp æ stærk å den kiige så høwt,
den tåer en Spand Wand i jen jenneste Løwt,
et Røk å et Skwalp, å æ Spand æ heropp,
— en Tus fulde mej, den fo Low te å hopp.
Æ Kjeeldwand æ koeld, de æ hint ve æ Bunnd,
de læske så godt for æ Tøst i wo Munnd.

De æ nowwe Snes Oer sien æ Kjeeldramm bløw sat,
æ Kjeeldstong mi Fåes Håend hå slet glat,
æ Kampstien æ grønn å æ Rækkværk æ gro,
men æ Wand ka ino spejjl en Himmel så blo.
Vi wa Småfolk å nøwwes mæ let måt vi læær,
men æ Kjeeld mæ si Wand kund vi slæt ett undvæær.

Æ Wand wa så godt, de kund bruges te møj,
di wasket wos i et de føøst vi bløw føj,
dæ wa Wand fræ æ Kjeeld i de mjest a wo Føg},
å ve den Meddesin bløw wo Kinder så røø.
I wo Brø, i wo Øl, i hwæ Målti vi djeeld
wa dæ Wand, te æ Spand håd hint op å æ Kjeeld.

Æ swott Kuw skuld ha åld de Wand den kund drekk,
mi Fåe brugt Wand, næer han kalket en Vekk,
wa der ingen Musik i hans Es-Klarinet,
kund en Slat fræ æ Kjeeld fo en te å mak ræt,
å slev han en Hjølli, næer vi skuld høst ROW,
så skuld der let Wand i æ Sliivstienstrow.

De æ lænng sien mi Fåe å Mue måt fløtt,
c Kjeeld stoer ino men æ ander te Nøtt;
a sier o æ Kjeeldvepp, æ Spand å æ Stong,
å a mindes di tow dæ hå brugt et engong.
Dje Føø å dje Arrbed så trolle di djeeld,
dje Sind wa så ren som æ Wand i æ Kjeeld.

Teksten forekommer i følgende publikationer:

Udvalgte Jydske Digte 1948 - andet bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage