Hjem fra Kjerk

Bemærk: Denne tekst er ikke korrekturlæst (endnu)!

A tøgges dæ døe så manne i Oer,
hwerant let høer en æ Klokke goer,
den anden Daw bløw Niels Krestian jooret,
å di såå ve æ Kjerk — a ved ett om do hoor et? —
te æ Møller legge nok lii o de siist,
di håd prøwet å gi ham en Skjefuld Koel,
å han hå nok faar kund tawwen si Moel,
men de wa nok så ussel let han spiist.

Wohærre ka finnd di Folk han vil hindt,
han ka osse finnd demm dæ hå Pææng o Rint,
å di der æ henn æ wal fåwåer,
men en henge ve æ LYW ihwa en så skåer.
A ka ett veed hwodan æ Møller tåer et?
De knivve ham ves, wa dæ nowwe dæ mindt,
— hwa, såen en jen ka jo ålde vindt
å fo et bæjje end han håer et!

Næste afsnit

Teksten forekommer i følgende publikationer:

Bøen å gammel Folk af Anton Berntsen (1937)

Udvalgte Jydske Digte 1948 - andet bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage